試下用手機寫blog先

第一次用手機，順道upload一張相試下。
呢張扒相我係去美而廉影架，第一次食亦係最後一次，因為4月xx號就會光榮結業了。

0327，與你吃Burger King

近日２０２忙到癲左，經常ＯＴ，平日好難就到時間拍拖．．．

尋日收工ＨＥＡ住出紅磡，等１０１車去中環，上左車發現上層冇位，只可以去下層，但得倒頭座．．．照坐啦．．．
由於我仲病緊，嗚，題外話，由上星期一咳，星期三發燒，星期四發燒，星期五六日手軟腳軟，今個星期一有傷風癥狀，尋日發兇黎啦，我好唔舒服，個人好眼訓又會流鼻水打噴嚏．．．
平時搭倒頭車我已經好唔舒服，更何況要病病時搭車，好了，我真係頭暈暈，愈坐愈想嘔。

當然。。。。。。。。。。。
最後平安無事落左車喇～

響三聯又ＨＥＡ，係呀，又ＨＥＡ，２０２仍未收工呀陰公～
最終八點正，２０２出現了。

跟住我地就搭叮叮由中環去銅鑼灣，今日我地決定去Burger King食晚飯，事緣我上網無意發現有個二人餐只係$59，咁吸引！當然要去試試啦！！

我第一次食安格斯漢堡，都唔錯，一定比麥ｘｘｄ漢堡好味，起碼塊牛都juicy～
而２０２話佢個雞腿堡sauce好好。
不過薯條同薯圈就麻麻了！！！


食飽之後周圍行下，又有條癮勁想食蛋糕，於是去搵Mc. Cafe！
結果，我好飽．．．蛋糕食唔落，只係飲左杯雪糕加汽水的飲料，即係黑牛？我唔記得叫咩名～


最後１１ｐｍ撇，返到屋企１１：５０ｐｍ！
好夜又好病！


今次病了，我有食成藥．但覺得冇乜料到，所以我花了八十個大洋買左康鈣ｃ，我一日飲左四杯，唔知係心理定真係work，飲左２杯之後就冇再狂打噴嚏，但個人好累好想訓咁！！

都係平時打好個底先，要ｋｅｅｐ住身體健康！

初嚐Nature Valley 燕麥棒

尋日自己一人閒逛時間見到７－１１（其實唔難見到啫），見到有Nature Valley 燕麥棒，我就真係未食過，而且一直都唔敢買，一來擔心味道唔好，二來做早餐又唔知佢飽唔飽肚，但見到$5.5，咁試下啦！

今朝食左提子同蘋果做早餐，下晝阿媽個飯盒又勁少飯，嘩，點知2點幾就已經好肚餓，估唔到Nature Valley 燕麥棒就大派用場，我就試下啦，買左個黑朱古力味，脆脆地，而且比我想像中好食，我想像中係點呢，就係大豆能量棒味道，果支野我完全食唔落囉～所以覺得燕麥棒唔錯，幾好食。

我食完之後覺得佢比一般零食飽肚，但就似朱古力味多過黑朱古力味，都唔算好苦，岩晒我。（我連56％都唔得架)

而佢有190卡路里/份，一份有2條，脂肪就7.5G（其中1.5係飽和脂肪）

我覺得用黎做零食都唔錯～叫做健康Ｄ啦！

今次初嚐Nature Valley 燕麥棒都算唔錯，我會回購！