團購之T.G.I Friday’s美式午餐

http://beecrazy.hk/hong-kong/deal/$58-for-an-american-5-course-lunch-set-including-soup,-snack,-main-course,-dessert-and-drinks;-7-mai

$58歎T.G.I Friday’s美式午餐，餐湯+小吃+主菜+甜品，主菜多達7款任選包括燒雞薄脆、蒜蓉鮮蝦意粉、起司培根漢堡伴薯條等，汽水無限添加任飲，餐廳營造了六、七十年代的美國情懷！(原價$199)

關於 T.G.I Friday’s 美國星期五餐廳

美國星期五餐廳是著名的美式休閑連鎖餐廳。自1965年位於紐約市第一大道63街的首間餐廳開業起，隨即成為白領人仕及單身貴族的熱門聚會焦點。香港美國星期五餐廳內置滿珍貴奪目的古董飾物，配着灣木餐椅及紅白間的餐檯布，營造了六、七十年代的美國情懷。美國星期五餐不斷為顧客研創出各類獨特菜式如碳烤系列、脆皮薄餅、墨西哥小食、美式意粉、沙律及滋味獨特的甜品。還有專業調製的健康凍飲、雞尾飲品及各國美酒，給您原汁原味的美式餐飲體驗。

T.G.I Friday’s美式午餐

知道T.G.I Friday’s唔平，而且對美國餐廳都情有獨鐘，所以見到有團購就想去試下～

其實早就四月頭去食架啦，不過遲遲都未寫．．．．．

餐湯

是日餐湯
網頁相

是日餐湯
實物
顏色好淡，料多，但唔夠濃，唔好飲．．．

－－－－－－－－－－－－－－－－－－－－－－－－－－－－－－

小吃

頭盤小吃之凱撒沙律 
網頁相

頭盤小吃之凱撒沙律
係我食過咁多次最差的，得一堆菜，
好少沙律汁，芝士碎更得一兩條仔，麵包粒欠奉！

頭盤小吃之洋蔥圈 

網頁相

頭盤小吃之洋蔥圈 

得三個圈．．．

同相片真係爭好遠

－－－－－－－－－－－－－－－－－－－－－－－－－－－－－－

主菜

主菜之3安士培根漢堡配薯條
網頁相

主菜之3安士培根漢堡配薯條
而家睇相至覺...冇左培根嘅？！！
成個SET最好算係佢架啦～

甜品同飲品都冇影相了～

見到當日好多枱人都係團購，個場ｄ人坐得四分一，

即場walkin以正價食都只有數枱人，仲要外國人～

而家覺得用團購價已經唔係好值，即係再出此團購亦唔會再回購。

「平等分享行動」《尋找小店的角落》(2012.0526) 第一次行動

4月的最後一個主日

與202一起進行了「平等分享行動」《尋找小店的角落》(2012.0526)　第一次行動，完了主日崇拜後，第一時間就想起這間小店 - 富山超級市場，就一同購買了兩罐罐頭。

我們所買的罐頭最終會在各區分派給有需要的人士，如獨居長者、街上的拾荒長者，願我們這小小的行動可以祝福自己、祝福社區、祝福社會上的弱勢社群 。

詳看：

http://www.facebook.com/events/272345249510647/

完美切割之Maxibon Cookie

早幾個月前已經響七仔見過佢，當時覺得好貴，要＄15.9，但我一見到”曲奇”批，真係好想買。
於是等呀等，等左幾個月，尋日至的起心肝走去買，以償我心頭之”恨”～


返到屋企，打開之後，ｏｈ，同個包裝相差好遠．．．．
脆皮甩左ｄ出黎，同埋完美切割為兩大舊，雖然我冇可能一口食晒兩邊，但賣相都好重要架～


味道：冇脆皮果邊上下夾住塊野軟林林，都幾好食架，有脆皮果邊就好似平時脆皮雪糕咁啦～冇乜特別～
食完要飲水，有ｄ甜～


＄15.9唔係好值，如果$8.9我還可以接受。

[試試試] CAUDALÍE Vinoperfect極緻完美亮白系列

首先多謝莎莎提供的試用，今次黎試試CAUDALÍE Vinoperfect極緻完美亮白系列～

今次可以試試旅行裝，雖然話係旅行裝，但係包裝一ｄ都唔馬虎，包裝好grand好得體。

裡面有4支，分別：
1 - 葡萄籽極緻完美精華液
2 - 葡萄籽極緻完美亮白乳液SPF15 PA++
3 - 葡萄籽極緻完美凝白晚霜
4 - 葡萄籽極緻完美面膜

收到之後，即晚就試葡萄籽極緻完美精華同埋葡萄籽極緻完美凝白晚霜。


葡萄籽極緻完美精華

成份
葡萄藤萃取物1000ppm (激活骨膠原彈性蛋白增生及抑制黑色素形成)、橄欖鯊烯 (有效保濕)

產品特點
質地清爽溫和，不含油脂
清新的香味
適合任何任何肌膚，尤其膚色不均、暗啞、色斑或鬆馳的肌膚

使用方法

早晚使用，潔膚後取適量塗於面、頸及肩部。輕輕按摩直至完全吸收，再塗上適合面霜。於早上可使用防曬產品。

用後感
第一次用”吸管”狀精華液，簡單亦易用，只需打開輕輕力揸實個吸管頭，ｄ精華液就會吸左入響”吸管”內，然後可以放響面上，又輕輕力揸實個吸管頭，咁ｄ精華液就可以用響面上～
味道聞落去好香，質感就少少杰身，但搽上面唔覺好笠，吸收效果唔錯。



之後就搽葡萄籽極緻完美凝白晚霜

成份
葡萄藤萃取物500ppm、木瓜酵素、甘醇酸 (AHA)、玻尿酸、葡萄籽油

產品特點
一覺醒來皮膚如嬰兒般美麗柔軟

使用方法

晚間使用， 精華液後，取適量塗於面及頸部，避免眼部周圍肌膚，輕輕按摩至完全吸收。

用後感
味道聞落去亦都好香，質感正常，唔會太過稀又唔會太杰，搽上面亦都唔笠。

第二日朝起身已經覺得塊面好潤，保濕效果唔錯，亦唔會出太多面油。



第二日起身如常用
葡萄籽極緻完美精華，之後塗上葡萄籽極緻完美亮白乳液SPF15 PA++，
亮白乳液係肉色，用黎上妝前用就fit晒～～

成份
葡萄藤萃取物500ppm、木瓜酵素、礦物粉末單寧酸、UVA/UVB 防曬

產品特點
質地柔滑
用後肌膚細緻通透
有效提升肌膚光澤、均勻膚色

使用方法

早上使用，塗精華液後，取適量塗於面及頸部，輕輕按摩至完全吸收
可作妝前打底用。


用後感
味道聞落去冇精華素咁香，質感比較稀身，雖然肉色，但用上去好薄，唔會有咩顏色 :)



最後夜晚完成洗完面，就再用埋面膜，我就一開始沖涼就敷左上面，
等10分鐘就沖埋佢，用後都覺得頗滋潤。

葡萄籽極緻完美面膜

成份
葡萄藤萃取物200ppm、木瓜酵素、甘醇酸 (AHA)、維他命原B5

產品特點
明顯有效卓越的亮白效果
配方溫和不刺激，有效促進肌
膚細胞更新，緊緻毛孔
只需10分鐘，肌膚即時光澤、細緻

使用方法

一星期使用兩次，取適量均勻塗於面上(避免眼部位置)，10分鐘後以清水沖洗，適合任何肌膚，尤其膚色不均、暗啞、色斑的肌膚。


總結
前前後後keep住用左十二日，本人出現斑斑位置冇明顯淡到，但亦都冇深到，最明顯皮膚冇之前咁乾，而家化左妝，T字油出油明顯減少，所以我覺得呢支野保濕得黎又唔笠，值得推薦。



詳細資料＊按此＊

6蚊雞有15cm香蕉蛋糕

尋日同左麥仔、202去左油麻地百老匯電影中心睇戀之罪， 由於套戲版被刪剪（稱為海外版） ，cut左大約３０分鐘情節，結果套戲仲有好多謎團我都未解開，有待再重看完整版。

尋日入戲院前見到一間細細麵包店，叫心思思，於是入左去睇睇，最後買左一個香蕉蛋糕，只係$6，店內好多有餡麵包都係$5-7，but size比起連鎖麵包店大多一半～

今日帶左返公司打算當早餐食，無聊之下用把間尺度下先，結果係15x 7 x4cm咁大舊。真係好抵呀～

”心思思麵包集團”，仲諗住有好多間分店，上網查，原來只有3-4間～

味道就冇starbucks果件咁濃味，相對比較淡，但starbucks要$16件呢。大家自己衡量下啦～

位置：油麻地警署斜對面

告別草草＊體驗DOVE 2 步深層鎖護精華

嘩嘩嘩，真係好耐冇出過試用文喇！
因為自己懶出文，而且懶到連申請試用都冇，
所以我好欣賞一直keep住出post嘅blogger，
收到產品試胖固然開心，但次次要影相、執相、寫文、upload去唔同blog，
持之以恆真係唔易架！！！

希望今次再出試用文，我會keep住寫啦～～

－－－－－－－－－－－－－－－－－－－－－－－－－－－－－＊

今次本來apply去百人體驗團的，但真係好失策，臨去前的半夜我發燒，燒到38.6度，然後我就不停訓不停訓，訓到下午５點落街睇醫生，到我７點至醒起．．．：「我今晚有event！」，身旁有一部智能手機好方便，即時CHECK EMAIL啦，打算打電話通知IMORE，可惜辦公時間已過，之後再訓。

到晚上八半，IMORE有同事打電話俾我，我同佢發緊燒，佢叫我好好休息！！

隔左幾日，IMORE打電話俾我，話安排返試用畀我，真係好開心！！！！

－－－－－－－－－－－－－－－－－－－－－－－－－－－－－＊



所以今次就有得試用DOVE 2 步深層鎖護精華 :)
因長期染，又漂，所以髮尾好乾旱，冇乜開叉。
我習慣朝早起身洗頭，自然乾，但返工就發現髮尾好乾旱，好似一大堆草，於是解決方法係入廁所加ｄ水濕響髮尾度，但乾左之後，草草又出現了～～有圖為證>>>>

今次試用：

＊洗頭水＊

包裝一如以往用上白色藍色做主打～

洗頭水係帶有閃粉，好有香味，亦易於起泡

之後到護髮素：

好有香味，用完陣味停留左響頭髮度，個頭好似噴左香水咁！哈哈

用後感

我第一日只用洗頭水同護髮素，老實講，真係繼續草草～～

但之後第二日就試：

DOVE 2 步深層鎖護精華

成份：含「髮絲纖維修護」因子，深入滲透髮芯纖維，修護受損部分，為髮芯注入養分。Dove「修護鎖科技」， 在修護髮絲後瞬間鎖住修護養分於秀髮上，令秀髮順滑不易打結展現光采，用後無需清洗。

功能：以 「先護後鎖」的嶄新護髮概念，從外而內的深入髮絲纖維，定位追蹤修護受損的髮芯部份，並鎖住修護養分於秀髮上，一星期用一次，秀髮便能持久柔軟順滑長達 7 天。

ＳＴＥＰ１

Step 1：修護

輕輕在髮絲按摩 3 分鐘，再以清水沖洗。

用法：塗於半乾的髮絲，然後即可如常造型。

用後感

但之後第三日就試埋：

ＳＴＥＰ２

Step 2：鎖護

用法：塗於半乾的髮絲，然後即可如常造型。

用晒STEP1+2之後真係覺得頭髮髮尾滑左好多，但未至於好貼服，始終我覺得唔會好似魔術咁一日之間由草草變到超順滑超貼服。但我覺得假以時日，頭髮會好起來。

另外，用STEP２時我成支落晒，我覺得個頭好笠，本先我頭油比較多．．．所以更笠。

奉勸大家每次用，用上半支已經好足夠了～

以下係用上STEP２後的前後效果，不出一分鐘，冇之前咁草草了～

多謝今次imore提供的試用～

大角咀經濟之選＊德發茶餐廳

今時今日，物價高企，旺區商業區自由行熱門區都已經$30蚊一碗粉麵，$20已經唔夠你食一份常餐了。
今次去左大角咀用膳，大角咀並唔係我地頭，不過教會嘅母會響大角咀，
有一次誤打誤撞之後，我同男朋友就衝左入去呢間茶餐廳，裝修極其普通，甚至有點舊，
但尚算乾淨。
於是再返母會之時，都有翻兜去食～

講咁耐，究竟食左Ｄ乜？

就係二人小菜（唔好意思，掛住食！完全唔記得影晒所有相）

沙薑雞Ｘ１（冇相），我同男朋友就覺得隻雞都幾滑下

粟米石斑Ｘ１（２大塊石斑）

菜Ｘ１（由於送嘅，純粹烚菜加蚝油，冇乜油，非常健康）

例湯Ｘ２

白飯Ｘ２

飲品Ｘ２（一杯凍奶茶、一杯凍檸茶，每杯加２蚊）


盛惠＄８０
雖然唔係話平到可以講句：”勁抵呀””超抵呀”，但係＄８０有２個小菜都已經好ＯＫ，再加上出面通常有例湯就冇飲品，有飲品就冇例湯，可能多左碗湯就覺得好抵，哈哈～～
建議唔想飲野嘅朋友仔就只好打包杯野走，帶回家俾家人，嘿嘿。

地點方面，其實茶餐廳隔離係港灣豪庭．．．通常開響附近有私家樓，茶餐廳點都會起勢加價，但我印象中幾年前都係＄３６，加得唔算多，希望呢Ｄ小店最後唔好被封殺啦！！！

http://www.openrice.com/restaurant/sr2.htm?shopid=14747