假期就咁結束了

話咁快九日假期就咁結束了....


基本上新年大部份活動係食訓，
而呢個新年，我對打邊爐充滿恐懼，


因為．．．．


年三十：打邊爐
年初一：打邊爐
年初二：打邊爐 plus盤菜
年初三：病了，原本係約了姊妹打邊爐
年初四：打邊爐
年初五：打邊爐


熱愛打邊爐嘅我真係聽到．打．邊．爐．都想嘔，不
過又明白媽媽所講的：”煮得飯出黎都凍晒”
其實佢都一片好心啫～


年初八正式返工，今年係我第一年響呢間公司仔過新年，
而我做過咁多份工，第一次有咁多同事已經係結左婚，
最後我收到27封利是丫～真係超開心。


而且自己部門嘅同事對我都唔錯，個個都唔止封20蚊。哈哈哈哈。

年初七

今日係人日呀！！


祝大家生日快樂！




今日正好係主日，朝早就如常返教會啦，而今年教會送嘅利是，裡面張金句咭係：


祂既然愛世間屬自己的人，就愛他們到底。

(約13：1)


唔知有咩啟示呢～～哈哈哈～～

完左崇拜之後，我就等龍堂委計完數，然後我地就去謝氏伉儷度團拜了～
我地終於睇返佢地結婚時段片了，大家睇返都好開心～～
亦都可以俾LEO睇下教堂行禮個程序係點呢～


好開心少雲都一齊參與呀 :)







完左團拜之後就同202去APM行街了～
行左一陣就回家去了～


收拾心情，明天上班去！

年初一

今年我冇跟202返廣州，多了時間留在家。


起身都係十點幾，之後我就玩電腦，然後一家人食蘿白糕做BRUNCH～～～


今日去探叔叔，我阿媽話我有5年冇去過，而我都唔記得了，又好似係喎！
唔怪之得一去到阿叔屋企，阿叔誤會我係家姐，誤會我家姐係我細佬！哈哈哈！


去完阿叔屋企就去食下午茶，之後回家了。


－－－－－－－－－－－－－－－－－－－－－－－－－－－－－－－－

龍年到，可是我的龍沒在身旁。
沒男友，親戚亦不多，下午跟叔叔拜過年後就回家了。

回家後，唯一的娛樂就是…
看看我家樓下塞車的情境。
哈，此情此景一年一次，值得一看再看。

多謝＊我有新電蒸籠

多謝各位H2o組弟兄姊妹同埋教牧！

好好用 :)

最surprise係可以取代烚蛋，成隻蛋可以拎去蒸，啱晒每日要食兩隻烚蛋白嘅我媽！

Thank you!

年廿八

是日同左202出旺角匯豐銀行，由於周六下午辦公關係，真覺得好方便我地呢種星期六都訓餐飽嘅人．．．


之後去食個下午茶，我地就往年宵出發了！！！


其實今次去年宵主要目的係為左買草泥馬，而結果真係買左草泥馬就離開了．．．．
哈哈，又因為上次同202行街時落雨，大家都雨中漫步．．．確實不浪漫又驚病，今次我地一人一把傘，我地最唔夾就係擔傘，每次擔傘，我都濕晒架，根本遮唔到我．．．．所以一人一把傘都好嘅～


行完年宵之後，我地就出銅鑼灣行，後來落左sogo行街，見到有一間賣牛角包嘅鋪頭，我地就買左100g試下喇，都幾香，唔錯唔錯～～


之後周圍行下行下，我地行得累了，就去了翠華食飯，查實我真係好少去翠華的，其實我又唔覺得好好好食，不過家下成為了大陸名牌了，好多自由行哩！

草泥馬

Thank You Lunch

由於公司Annual Party當日幫手做野，冇乜點食野，

於是公司每年例牌會有餐Thank You Lunch請返出力同事，

今年去食日本野，正～

最正冇得訂枱，我地要提早半小時放Lunch出去，

賺左！

上司請食飯！！！

真係好開心，自從上年轉左新工之後，公司出錢嘅話，都食過２餐lunch buffet，食過１餐Italian buffet，飲過幾餐茶，不過不失啦，但我都好滿足架啦！
好過以前田氏乜叉都冇囉，錯，有嘅．．．一年一次上深圳食果餐annual dinner囉！


講返上司請食飯～我之前過試用期已經請左我食pizza，今次過年前請左我同reception姨姨一齊去牛扒先生食飯，其實我第一次食架咋！


到左之後，見到個價錢，都唔平，要＄２７Ｘ－３ＸＸ（另加一）一個套餐。


套餐包乜？

1) 面包
2) 前菜
3) 主菜
4) 甜品
5) 飲品



面包：
好普通

前菜：
有好多選擇，不過我揀左湯，點知碗湯都好細碗的

主菜：
7成熟肉眼扒，ＪＵＩＣＹ，係幾好味
附送一杯仔薯蓉，味道都可以！

甜品：
藍莓芝士蛋糕，唔酸幾啱我，但芝士味道唔濃，麥ｃａｆｅ仲好食過佢

飲品：
凍檸檬茶，自己落糖漿，冇乜特別，相都唔洗影
如果飲特飲再另加$25～～




總結：
我覺得好貴，唔係好值咁．．．　雖然唔洗我俾，我都覺得唔抵～
初時以為樣樣野都會好大碟，即似肥天使佬、露比星期二果類型，點知唔係囉。


有ｄ失望！
下次都係提議上司請我地食日本野先！

尋日我較錯左鬧鐘，結果10:47AM至彈起身，

起身之後第一下衝入洗手間，打算啦啦林裝身返教會。

過左十秒，算喇，都係唔好喇，返到教會都12點啦．．．．

結果上返張床打算訓，之後又訓唔著。

然後我媽就叫我起身，煮野過我食．．．

之後ｈｅａ　ｈｅａ　ｈｅａ，到下晝就同左202去街了～

因為收到表姐夫送來的花鼠明星俱樂部3 (Alvin and the Chipmunks 3)換票證，

而且尋日已經係最後一日要換喇，於是尋日去左黃埔度睇啦，

可能就黎落畫喇，都唔係好多間影院有得上映。

換左飛之後就去行街喇 :)

去左吉之島行，行左一陣，感覺到勁肚餓，於是買左我最愛的腐皮壽司 x 3 食住先，

仲響超市買左支可樂打算睇戲果陣飲～

之後周圍行下，到1730，我地上返戲院，之後買埋爆谷睇戲了。

戲院內有好多小朋友呢，好明顯可以當佢卡通片咁睇，有笑位，都唔算好悶，

唔洗錢就是但啦～

睇完戲就等搭車喇，打算搭Ｅ２３回家，但時間尚早，202提議去九龍灣ikea行下～

有手機真方便，即刻查到有巴士直達MEGA BOX！！

最後我地響ikea行左一陣，買到202要買的東東，

而我買左包飲管，之後就上ikea餐廳用膳喇。

可能九點幾啦，都夜喇，有好多野都賣晒咯！

但最後都食到飽飽＞＞＞

薯條＄9

xxxx長通粉，好似＄19

凱撒沙律，好ｏｋ，比我想像中好味！！都係$9

仲有叫多左個青口，餐包x3，牛油x2，仲要一人一杯飲品。

飲品好抵呀，$7杯無限添飲呢～

我就任飲可樂，202就飲咖啡～

拍左拖咁耐，我係第一次沖咖啡俾我個男人。

其實好簡單＞＞＞

步驟一：去個咖啡機前面按個掣

步驟二：等待

步驟三：加Ｄ奶

步驟四：加Ｄ糖

評語：甜度爭少少。

不過佢都照飲晒。即係ＯＫ啦！

最大功勞．．．莫過於部咖啡機。 

今日去左做義工，幫一班慈正邨長者清潔。
而我係第四組，同一位Good組、一位Peace組弟兄一組，
被分派的婆婆家中電話有響，但冇人聽～
一直等等等，決定上門撞下運氣，結果都係冇人。


返回集合點，之後我地就被分派去幫手派毛衣順道探訪，最後成功地探訪左兩位婆婆，送出左一件衫。


第一個婆婆比較靜，一句起兩句止，同佢都有出現deadair時間，我已經狂諗話題，
當講到佢身體情況同埋覆診時比較主動，其他仍然一句起兩句止，
或者婆婆未習慣有人去探訪～


第二個婆婆係當我地打電話俾佢，佢話而家都有義工上去探訪（可能其他機構），
咁我地打算．．算啦．．．唔好又打擾佢．．．
但後來我諗諗下，唔探訪傾計都不如上去送件冷衫俾佢，於是我地上左去，
最後婆婆都邀請左我地入去傾計～
講下佢後生，講下佢鄉下，好快就夠鐘了。


最後夠鐘，就返回集合點了。


每次探完長者，自己都會諗，第日老左都會唔會有人黎探下我，
而我亦都好想趁後生仲有時間去關心長者。
最重要唔係要佢信耶穌，而係感受到我地因著耶穌關心佢。

Oreo芝士凍餅麻麻地

近呢1年，我開始團購，基本上一個月都會幫襯一次。

總結買過嘅都唔差～

之前試過一間叫Private cake嘅藍莓芝士蛋糕，亦都唔錯，

http://www.gigonzone.com/productinfo.do?method=viewTopProduct&subproductid=2380 

所以決定回購左另一款，名叫Oreo芝士凍餅，

尋日由家姐幫我去拎餅，

網上圖片係咁：

實物係咁：

少左ｄ朱古力餅咁啦～

而味道真係有ｄ失望，冇乜芝士味，好淡，牛油味又比較多，

都係覺得藍莓芝士蛋糕味道比較好。

怕且下次唔會再買Oreo芝士凍餅了～


其實以前響朗豪坊一間餅店ｄ 芝士蛋糕都好好味，就係而家４樓雪糕店果位嘅上手，件件餅都好好味，講起都好懷念　＞＜！

挑戰失敗

其實我好欣賞一直keep住打blog的bloggr，因自問自己已冇咩恆心。早陣子，我都好活躍上美容blog，但說到底只貪試用，覺得唔太啱我channel。

所以已經響美容blog消聲匿跡一排～

骨子裡我還是喜歡打生活文多D，或者你唔識我，或者冇人睇，但我還是喜歡打。

哈哈！

－－－－－－－－－－－－－－－－－－－－－－－－－－－－－－－－－

話說我係一個唔知酒量有幾多嘅人，因為我從來都唔飲酒。

試過飲啤酒，果陣苦味真係頂唔順，飲唔落，其他酒嘛，冇試過，聞都覺得陣酒清味好勁。

而我唯一一杯飲得晒嘅酒，就得當年去韓國汝矣島教會果杯聖餐。

雖則我就唔飲酒，不過我都落過酒吧，但係飲汽水！！

身邊d人唔會理我，佢地有佢地自娛，我有我飲汽水，又唔識猜枚，諗諗下自己都幾怪雞。

之前公司Annual Party，公司買左一盒酒心朱古力送俾d客，

最後有3位客人留低左份禮，於是我地帶回公司食啦，

而我雖然唔飲酒，其實都想學下，就由酒心朱古力開始！！

咬第一啖：已經見到ｄ酒朗朗下

咬第二啖：由於同事話要成粒野至正確，我將餘下的成粒食，結果我感覺係好似食緊酒精咁，五秒後，吐左出黎。

身邊d同事話好香雞蛋酒味，好好食，仲話想再同vendor訂。

我唔識欣賞喇．．．

總之挑戰失敗啦～

睇黎以後飲可樂好了！