話說上星期四 202 響facebook見到此圖片後留左一句：「弟兄姊妹, 行動吧!!!!!!!!!!!!!!!!!!!!!!!!!!!!!!!!!!!!!! 」
之後就愈來愈多人問會去邊，又基於男友工作上比較繁忙，所以我決定出手響facebook開左個event，第一件事就係定下時間，地點係TBC～
然後就好簡單，facebook post左好多執膠粒注意同埋準備事項，所以copy & paste就OK～
跟住又要處理返”地點TBC”嘅問題，地點係參考網上新聞講重災區，要考慮嘅野都幾多，例如：時間上要就到大家完左教會崇拜(after 12:30pm)、唔會好難行、我又要識路等．．．．
跟住覺得長洲東灣仔應該比較易去，所以揀左長洲東灣仔，但係．．．．上網可以搵到updated 資訊唔多，只知道已撿551 kg膠粒(as at Aug 10) ～咁都要定下地點，憑信心go go go！
上網搵左一ｄ地圖，blogger文章教點去東灣仔等（身處香港的我反而要在一個台灣blog找出如何去東灣仔－＿－｜｜｜），google map顯示只要由碼頭就可以到達東灣仔23mins。都好似ok喎！
事前準備功夫係咁上下～
8月11日出發！！
8月11日一同響鑽石山集合出發，本來響facebook覆join既有13人，最後有18人一齊去呢～分別來自Bud, Good, H2o, Peace & Unity小組～（202係全團最老 XD)
1:50 pm左右到步就知道2:00pm快船已經開左，但同時又聽到職員加開快船呢！THX GOD！
落船第一件事去醫肚，大家返完崇拜仲未食野．．．於是分頭各自各去食野～3:15pm麥當勞再集合～
路程大概係咁樣，係由榮少帶路～碼頭位開始準備出發，不斷左手行，行過晒所有檔口，上斜到長ｘ村（唔記得咩名），繼續行，沿途見到沙灘同一個靚花園，行到差唔多尾轉右上山路，嘩．．．冇諗過係山路，行到我地叫晒救命，然後再行多成千級樓梯落去東灣仔，全程用左45分鐘，到步已經4pm。
雖然行到死死下，但每個弟兄姊妹一到步就隨即拎晒工具同蚊怕水準備開工，珍惜每分每秒呢～首先我地全部人向住岸邊，我撿到一粒膠粒而已，然後有位熱心人同我地講膠桶 （佢指住藍色膠桶）係重災區，於是我地又一大堆人走過去，確實有好多膠粒呀！
其實我定左長洲東灣仔之後，都好擔心去到冇膠粒，頭先都講過，上網update資訊唔算多，但係有弟兄話成果唔重要，最重要係我地表態。如果冇膠粒，就planｂ，就係玩水～
幸好冇轉planｂ，由於膠粒零碎咁散落響不同角落，我地只好
徒手逐粒逐粒執起，帶左個盆都好少用。最後我地18人，執膠粒數量都唔係太
多，未夠一個膠樽～不過我地都好開心，雖然行左好耐好辛苦，但係同心完成一件美事好滿足～
之後又要行返上千級樓梯出返碼頭，但值得！
今次多得202同榮少幫我拉喼．．．嘿嘿～我裝左好多水，所以拉喼去．．．但我全程好少拖．．．．
當天花絮：
我同少云
我呀 :)
除了執膠粒，我地仲有執垃圾．．．我都有份執垃圾，見到好多殘體字嘅未用完的牙膏、零食包裝袋、霸皇洗髮露吉樽等 =.=，究竟ｄ垃圾邊度黎架？
沒有留言:
張貼留言