麥皮的生活

話說前星期去拎左health check report，醫生話我bmi同脂肪比例都超標．．．

其實我都知架啦，從外表都睇到啦，之前只不過一直冇決心去減肥．．．

加上自己覺得未有需要咁急減～～故此次次都會諗：食埋今餐先算。

慶幸入左呢間公司，為員工提供免費一年一度身體檢查，現實總要面對，

既然醫生話我超標，都唔可以同自己身體”較飛”，認命了，先從飲食開始著手～

所以開展了麥皮的生活，決定食麥皮做早餐！

好多人話好難入口，如果響任何野都唔加嘅情況下．．．確實係嘅，

所以我決定加低糖豆漿～

買左包紅色桂格即沖麥皮，好方便，加熱水等2-3分鐘，

然後ｄ麥皮軟化左，再加豆漿即可。

但分量方面就唔識控制，有冇人可以話我知我係落得太多麥皮定太少麥皮？

加左豆漿之後就食了，冇影低相添～～
已經開展左第四天麥皮的生活，麥皮係完全冇味，加埋豆漿撈埋一齊易入口好多～

希望食左一段時間之後可以瘦返些少啦，又希望遲下的起心肝去做下運動呢～～

因為太夜收工，所以最後去超市選購麥皮（下次會去藥房了)，同時見到桂格燕麥曲奇，打算試下，唔平，$22.9得6包～～

而且諗住健康ｄ卦，可是．．．．我同202都覺得超甜的說．．．．唔會回購了．．．．

之後又買左即沖燕麥飲品朱古力味：

我自己就未試，細佬試左話好好飲～～

好似$10.9/ 5包

而我上司就送左以下呢包畀我：

但未食過，有冇人食過，覺得點呢？